Oʻzbekiston, Tojikiston va Qirgʻiziston bosh vazirlari Fargʻonada uchrashdi
Uchrashuv uch davlat chegarasi tutashgan nuqtada tashkil etilgan.
8 yanvar kuni Fargʻona viloyatining Oʻzbekiston, Qirgʻiziston, Tojikiston davlat chegaralari tutashgan nuqtada uch mamlakat hukumatlari rahbarlari boshchiligidagi delegatsiyaning uchrashuvi boʻlib oʻtdi.
Tomonlar ushbu uchrashuv uch mamlakat Davlat rahbarlari – Oʻzbekiston Respublikasi Prezidenti Shavkat Mirziyoyev, Qirgʻiz Respublikasi Prezidenti Sadir Japarov va Tojikiston Respublikasi Prezidenti Emomali Rahmon oʻrtasida hamkorlik va mintaqaviy integratsiyani mustahkamlash maqsadida davlat chegarasi masalalari boʻyicha avval erishilgan kelishuvlar doirasida oʻtkazilayotganini taʼkidlandi.
"Mazkur uchrashuv xalqlarni birlashtiruvchi uch davlat chegarasi tutashgan hududda oʻtkazilgani ramziy maʼnoga ega", deyiladi xabarda.
Shuningdek, uchrashuvda boʻlajak uch tomonlama tadbirlarni tashkil etish bilan bogʻliq masalalar muhokama qilingan.
