Kanada bosh vaziri isteʼfoga chiqishini eʼlon qildi
53 yoshli Jastin Tryudo 2015 yil kuzidan buyon mamlakatni boshqarib kelayotgandi.
Kanada bosh vaziri Jastin Tryudo mamlakat Liberal partiyasi yangi rahbar tanlaganidan soʻng oʻz lavozimini tark etish niyatida ekanligini maʼlum qildi.
"Partiya yangi yetakchini saylaganidan keyin men partiya rahbari va bosh vazir lavozimini tark etish niyatidaman", dedi Tryudo Ottavadagi matbuot anjumanida.
"Keyingi saylovlarda liberal bayroqni koʻtaradigan odam boʻlmayman." Tryudo yangi rahbar saylanmaguncha vaqtinchalik bosh vazir lavozimida qoladi. Bosh vazirning aytishicha, Kanada parlamenti yangi rahbar saylangunga qadar 24 martgacha faoliyatini toʻxtatadi.
Tryudoning taʼkidlashicha, u allaqachon Liberal partiya prezidentidan keyingi rahbarni topish uchun "jiddiy" va "umummilliy" jarayonni boshlashni soʻragan.
"Kanada Liberal partiyasi buyuk mamlakatimiz va demokratiya tarixidagi muhim institutdir. Yangi Bosh vazir va Liberal partiya rahbari keyingi saylovlarda oʻz qadriyatlari va ideallarini olib borishda davom etadi, dedi u. "Kelgusi oylarda bu jarayon qanday rivojlanishini koʻrishni sabrsizlik bilan kutmoqdaman."
53 yoshli siyosatchi 2013 yilda Liberal partiya yetakchisi, 2015 yil kuzida esa bosh vazir boʻlgan edi. Tryudo soʻnggi paytlarda bir qator siyosiy qiyinchiliklarga duch keldi, jumladan, AQShning saylangan prezidenti Donald Trampning tariflar tahdidi, asosiy ittifoqchilarning isteʼfoga chiqishi va siyosiy reytingining keskin pasayishi shular jumlasidandir.