Gulnora Karimova manzil koloniyaga oʻtkazildi
Islom Karimovning qizi 2020 yilda 13 yilu 4 oyga ozodlikdan mahrum qilingandi.
Birinchi prezident Islom Karimovning qizi Gulnora Karimova yangi yil arafasida Zangiota tumanidagi 42-manzil koloniyaga oʻtkazildi. Bu haqda Platina.uz manbasi xabar berdi.
Karimova shu paytgacha ushbu tumandagi 21-ayollar qamoqxonasida jazo muddatini oʻtab kelayotgan edi. U 2020 yilda 13 yilu 4 oyga hukm qilingandi.
Birinchi marta Karimovaga 2013 yilda ish ochilgandi. 2015 yilda 5 yillik ozodlikni cheklash jazosi bilan jazolangan. 2017 yilda esa 10 yilga ozodlikdan mahrum qilingan, ammo keyinroq 5 yillik ozodlikni cheklash jazosi bilan almashtirilgan.
Uy qamogʻida Karimova bir qator qoidalarni buzgani uchun qayta qamoqqa olingan. 2020 yilda unga yangi ayblovlar bilan 13 yilu 4 oy ozodlikdan mahrum qilish jazosi tayinlangan. 2019 yildan beri 21-ayollar koloniyasida jazo oʻtab kelayotgan edi.