Rossiyada politsiyaga migrantlar yashaydigan uylarga ruxsatsiz kirish huquqi berildi
Ular banklardan muhojirlarning hisobvaraqlari, pul oʻtkazmalari toʻgʻrisidagi maʼlumotlarni olish huquqiga ham ega boʻladilar.
Rossiyada politsiyachilarga migrantlarning uyiga ruxsatsiz kirish huquqi beriladi.
5 martdan kuchga kiradigan yangi qonun Rossiya politsiyasiga deportatsiya buyrugʻi berilgan muhojirlarning uylari va binolariga ruxsatsiz kirish huquqini beradi.
Bundan tashqari, politsiya xodimlari Rossiya Federatsiyasi va xorijiy davlatlar hokimiyat organlaridan davlat nazorati uchun zarur boʻlgan maʼlumotlar va hujjatlarni, jumladan tijorat, bank, soliq va qonun bilan himoyalangan boshqa sirlarni soʻrab olishi mumkin boʻladi.
Shu bilan bir qatorda, chet el fuqarosi mamlakatdan chiqarib yuborilayotganda politsiya banklardan uning bank hisobvaraqlari, raqamlari va pul oʻtkazmalari toʻgʻrisidagi maʼlumotlarni olish huquqiga ega boʻladi.
Shuningdek, huquqni muhofaza qiluvchi organlarga mobil qurilmalar va geolokatsiya maʼlumotlaridan, shaxsni tanib olish tizimida ishlaydigan toʻlov tizimlaridan foydalanishga ham ruxsat beriladi.
Avvalroq Rossiyada rus tilini bilmaydigan migrant bolalarni maktabga olish taqiqlangandi.