Falastin oʻz hududida Al-Jazeera telekanaliga taqiq qoʻydi
Gʻarbiy sohildagi maʼmuriyat telekanalni "fitna qoʻzgʻatuvchi materiallar" tarqatishda aylagan.
Falastin hukumati Al-Jazeera telekanalini "fitna qoʻzgʻatuvchi materiallar" tarqatishda aylab, faoliyatiga cheklov qoʻydi.
Maʼmuriyat buyrugʻiga koʻra, Gʻarbiy Sohilda Al-Jazeera telekanali faoliyati toʻxtadi.
Bu qaror telekanal "nizo chiqaruvchi xabarlar" tarqatgani sababli qabul qilindi deb xabar beradi Falastinning Wafa axborot agentligi.
Falastin maʼmuriyati bundan avvalroq Al-Jazeera'ga Gʻarbiy Qirgʻoqning shimoliy qismidagi Falastin mudofaa kuchlari bilan HAMASga aloqador falastinlik qurolli guruhlar oʻrtasida toʻqnashuv boʻlib oʻtgan hudud - Jenin viloyatidan xabar berishni taʼqiqlagan edi.
Telekanal bu harakatni "bosib olingan hududlarda, ayniqsa, Jenin va uning lagerlarida sodir boʻlayotgan voqealarni yashirishga urinish" sifatida qoraladi. 2 yanvar kuni eʼlon qilingan bayonotda telekanal “bu qarordan hayratda qolganini” bildirib, hukumatni qarorni bekor qilishga chaqirdi.
Shunga qaramay taqiq qancha vaqt davom etishi nomaʼlumligicha qolmoqda.