AQShda haydovchi mashinani odamlar ustiga haydab, oʻt ochdi
Oqibatda kamida 10 kishi halok boʻlgan. Oʻttiz kishi jabrlangani aytilmoqda.
AQShda haydovchi mashinani olomon ichiga haydab, oʻqotar quroldan oʻt ochdi.
Nyu-Orleandagi ushbu hodisa sabab kamida 10 kishi halok boʻlgan.
CBC News xabariga koʻra, yuk mashinasi katta tezlikda Burbon koʻchasidagi odamlar ustiga haydalgan, keyin haydovchi mashinadan chiqib, otishni boshlagan.
Shahar rasmiylari maʼlum qilishicha, 30 kishi jarohatlari bilan mahalliy shifoxonalarga olib ketilgan, 10 kishining oʻlimi tasdiqlangan.
Burbon strit shahardagi mashhur sayyohlik manzillaridan sanaladi. Hozirda jinoyatchini qoʻlga olish ishlari ketmoqda.
Eslatib oʻtamiz, 2024 yil dekabrda Germaniyada ham shunga oʻxshash hodisa sodir boʻlgandi.