Namangan viloyati hokimi tumanlardan biriga 3,5 mlrd. soʻm ajratdi

Pul mulkiy zararlarni kompensatsiya qilish boʻyicha jamgʻarma hisobidan ajratiladi. 

Jamiyat
4-may, 11:13
Namangan viloyati hokimi tumanlardan biriga 3,5 mlrd. soʻm ajratdi

Namangan viloyati hokimi Shavkat Abdurazzoqovning mablagʻ ajratish boʻyicha farmoyishi eʼlon qilindi. Unga koʻra, 3 mlrd. 561 mln. soʻmdan oshiqroq mablagʻ Uchqoʻrgʻon tumani uchun ajratiladi.

Mablagʻ viloyat hokimligi huzuridagi "Jismoniy va yuridik shaxslarga yetkazilgan mulkiy zararlarni kompensatsiya qilish boʻyicha maqsadli jamgʻarma" hisobidan ajratiladi. Hujjat mazmuniga koʻra, mazkur mablagʻlar jamoat ehtiyojlari uchun olib qoʻyilgan yer uchastkalari egalariga kompensatsiya toʻlash maqsadida sarflashini mumkin. 

Uchqoʻrgʻon tumani hokimligi mazkur pullarni sarflash boʻyicha tegishli farmoyishlarni qabul qiladi.

Avvalroq  yoʻllar va masjid taʼmiri uchun Xalq deputatlari Andijon viloyati kengashining qarori bilan jami 2,5 mlrd. soʻm ajratilishi belgilangandi.

© 2023 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 97 022 01 10 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+