Vetnamda armiya generali prezident etib saylandi
Vetnam konstitutsiyasiga koʻra, prezident Milliy assambleya aʼzolari tomonidan yashirin ovoz berish yoʻli bilan saylanadi.
Vetnam Sotsialistik Respublikasi Milliy assambleyasining yettinchi sessiyasida mamlakat prezidenti lavozimiga yangi shaxs tasdiqlandi. Bu lavozimga Kommunistik partiya Markaziy Qoʻmitasi Siyosiy byurosi aʼzosi, jamoat xavfsizligi vaziri boʻlgan armiya generali To Lam saylandi.
Uni saylash toʻgʻrisidagi qarorni mamlakatning oliy hokimiyat organi boʻlgan Milliy assambleya deputatlarining mutlaq koʻpchiligi qoʻllab-quvvatladi.
1957 yilda tugʻilgan To Lam davlat xavfsizligi sohasida katta tajribaga ega va bu sohada turli rahbarlik lavozimlarida ishlagan. U, shuningdek, 1981 yildan buyon Vetnam Kommunistik partiyasining aʼzosi boʻlib, davlatning siyosiy hayotida faol ishtirok etgan.
Partiya Markaziy Qoʻmitasining plenumida hukmron partiya tomonidan tavsiya etilganidan soʻng, u ilgari isteʼfoga chiqqan avvalgi rahbar oʻrniga prezident lavozimiga saylandi.
Vetnam konstitutsiyasiga koʻra, prezident Milliy assambleya aʼzolari tomonidan yashirin ovoz berish yoʻli bilan saylanadi.
