Qibrayda radar oʻrnatayotgan muhandis baxtsiz hodisa qurboni boʻldi
Toshkent viloyatida chorraha ustuniga avtomobil radarini oʻrnatayotgan muhandis tok urishi sabab vafot etdi.
Qibray tumanida chorraha ustuniga avtomobil radarini oʻrnatayotgan muhandis tok urishi sabab vafot etdi. Bu haqda Toshkent viloyati Kambagʻallikni qisqartirish va bandlik boshqarmasi buyrugʻida maʼlum qilingan.
Unda aytilishicha, hodisa 2024 yil 1 may kuni sodir boʻlgan. 1998 yilda tugʻilgan, kompyuter tarmogʻi muhandisi M.S Universitet va Salar chorrahasida ishlayotib, qurbon boʻlgan. U 6,5 metr balandlikda elektr simlarini ulash jarayonida havo elektr uzatish tarmogʻiga tegib ketgan va jarohat sabab olamdan oʻtgan.
Mazkur baxtsiz hodisani tekshirish va maʼlumotlarni tegishli joylarga taqdim etish uchun komissiya tuzildi.
Biroz avval Chirchiq va Angrenda ikki ishchi ham baxtsiz hodisa qurboniga aylangan edi.