BMT Bosh assambleyasi Falastinni toʻlaqonli aʼzo sifatida qabul qilishga chaqirdi

Buning uchun Xavfsizlik kengashining roziligi, shuningdek, Bosh assambleyada ovozlarning uchdan ikki qismi talab etiladi. 

Jahon
10-may, 21:27
BMT Bosh assambleyasi Falastinni toʻlaqonli aʼzo sifatida qabul qilishga chaqirdi

BMT Bosh assambleya Xavfsizlik kengashini Falastinni BMTga qabul qilishga chaqirdi. 

Bir necha daqiqalar oldin BMT Bosh assambleyasi BAA taqdim etgan rezolyutsiya loyihasini qabul qildi

Rezolyutsiya Xavfsizlik kengashiga Falastinni BMTga toʻlaqonli aʼzo sifatida qabul qilishni tavsiya etadi. Shuningdek, rezolyutsiya falastinliklarga, jumladan, quyidagi “huquq va imtiyozlarni” berishni koʻzda tutadi:

2024 yil sentabr oyidan boshlab,

▪️ Falastin delegatsiyasi aʼzolari taklif va tuzatishlarni hozirgidek boshqa davlatlar orqali emas, bevosita mustaqil ilgari surishi;

▪️ aʼzo mamlakatlar orasidan alifbo boʻyicha tartibda joy egallashi;

▪️ Bosh assambleya bosh qoʻmitalari va plenar majlislariga mansabdor sifatida saylanishi.

Falastinni BMTga aʼzo sifatida qabul qilish uchun Xavfsizlik kengashining roziligi, shuningdek, Bosh assambleyada ovozlarning uchdan ikki qismi talab etiladi. 

Eslatib oʻtamiz, 19 aprel kuni ham BMT Xavfsizlik kengashi ushbu masala boʻyicha Jazoir taqdim etgan rezolyutsiya loyihasini koʻrib chiqqan edi. Garchi Xavfsizlik kengashining 15 muvaqqat aʼzosidan 12 nafari (jumladan, doimiy aʼzolar Fransiya, Rossiya Federatsiyasi va Xitoy ham) mazkur rezolyutsiyani yoqlab ovoz bergan boʻlsada, Kengashning yana bir doimiy aʼzosi AQSh veto qoʻygani bois rezolyutsiya rad etilgan edi.

© 2023 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 97 022 01 10 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+