Sirdaryo hokimi agentlik binosi uchun byudjetdan ikki milliard soʻm ajratdi
Mablagʻning nimalarga sarflangani boʻyicha maʼlumotlar hokimlik veb-saytida eʼlon qilinadi.
Sirdaryo viloyati hokimi Akmaljon Mahmudaliyev Bilim va malakalarni baholash agentligining viloyatda qurilgan yangi binosi uchun 2 mlrd. soʻm ajratdi.
Hokim farmoyishi, bugun, 3 aprel kuni eʼlon qilindi.
Mablagʻ binoning tashqi kommunikatsiya tarmoqlari, ota-onalar kutish zali, hojatxona, obodonlashtirish ishlari va boshqa xarajatlar uchun sarflanadi. Pul mahalliy byudjetning erkin qoldiq mablagʻlaridan "Yagona buyurtmachi xizmati" DUKka beriladi.
Mablagʻning nimalarga sarflangani boʻyicha maʼlumotlar hokimlik veb-saytida eʼlon qilinadi.
Taʼkidlash kerakki, oʻtgan fevral va mart oyida Sirdaryo hokimi radarlar toʻlovi uchun 1 milliard soʻm, qarzlar toʻlovi uchun avval 3,5 mlrd, soʻngra 3,8 mlrd. soʻm pul ajratgandi.