Hududlarda “Turon” maktab teatrining saralash bosqichlari davom etyapti
Oʻzbekistonda ilk marotaba maktab oʻquvchilari oʻrtasida “Turon” maktab teatri respublika tanlovi boʻlib oʻtmoqda.
Tanlovning maqsadi – umumiy oʻrta taʼlim maktablaridagi teatr studiyalari faoliyatini qoʻllab-quvvatlash orqali hududlarda teatr madaniyati va sanʼatini rivojlantirish, oʻquvchilarda notiqlik sanʼati va sahna madaniyatini shakllantirishdan iborat.
Tanlov 7-10-sinf oʻquvchilari oʻrtasida 3 ta shart (“Bizning maktab” tanishtiruv sharti; “Madaniyat va sanʼat bilimdoni”; “Teatr – ibratxona” sahna spektakli sharti) va 3 ta bosqich ( tuman (shahar); hududiy bosqichi; respublika bosqichi) da oʻtkazilishi rejalashtirilgan.
Kichik sahnalar katta sahnalarga yoʻl ochadi. "Turon" maktab teatri tanlovi esa havaskor aktyorlarni bir jamoa boʻlib gʻoliblik uchun kurashishga undamoqda.
Hududiy bosqichdan muvaffaqiyatli oʻtgan jamoalar tanlovning respublika bosqichida ishtirok etish huquqini qoʻlga kiritadi. Respublika bosqichida esa birinchilikni egallagan jamoa xorijiy davlatga taʼlim sayohati yoʻllanmasi bilan taqdirlanadi.