Oʻzbekiston yoshlari Kuvaytni yanchib tashladi

Osiyo chempionati guruh bosqichining 2-turidan keyin ular peshqadamga aylanib oldilar.

Sport
20-aprel, 22:32
Oʻzbekiston yoshlari Kuvaytni yanchib tashladi

Yoshlar oʻrtasida oʻtayotgan Osiyo birinchiligi guruh bosqichining 2-turi doirasida Oʻzbekiston terma jamoasi Kuvayt termasi ustidan ishonchli gʻalabaga erishib, keyingi bosqich masalasini hal qilib qoʻydi.

5:0 hisobida yirik gʻalabaga erishgan oʻzbekistonliklardan Davronov 32-daqiqada hisobni ochgan boʻlsa, 49-daqiqada Hamroaliyev, 55-daqiqada Erkinov, 86-daqiqada Xolmatov, 90+6-daqiqada Norchayev hisobni yirik koʻrinishga keltirdi.

71-daqiqada kuvaytliklar futbolchisi Hamad at-Tavil futbolchimiz Abdurauf Boʻriyevga qoʻpollik ishlatgani uchun qizil kartochka olib, maydonni tark etdi. Shuningdek, 90+3-daqiqada hamyurtlarimiz bir penaltini ura olmadi.

Shu tariqa Oʻzbekiston yoshlar termasi guruhda peshqadamga aylanib oldi. Narigi oʻyinda Vetnam Malayziyani 2:0 hisobida yengdi. 3-tur doirasida guruh peshqadamlari 23 aprel kuni kuch sinashadilar.

Yoshlar oʻrtasida Osiyo chempionati, guruh bosqichi, 2-tur

Kuvayt - Oʻzbekiston 0:5
Gollar: Davronov 32, Hamroaliyev 49, Erkinov 55, Xolmatov 86 pen., Norchayev 90+6

Malayziya - Vetnam 0:2
Gollar: Van Kang 39, Min Koa 60

© 2023 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 97 022 01 10 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+