NATO mutaxassislari Oʻzbekistonga keldi

NATO mutaxassislari Oʻzbekiston Qurolli Kuchlarining Kichik mutaxassislar tayyorlash markaziga tashrif buyurgan. 

Jamiyat
17-aprel, 11:58
NATO mutaxassislari Oʻzbekistonga keldi

NATO mutaxassislari Oʻzbekiston Qurolli Kuchlarining Kichik mutaxassislar tayyorlash markaziga tashrif buyurdi. Bu haqda Oʻzbekiston Mudofaa vazirligi matbuot xizmati xabar berdi.

Delegatsiya aʼzolariga markazning oʻquv-moddiy resurslari, oʻquv binolaridagi sharoitlar taqdim etildi.

Soʻngra Madaniy-maʼrifiy markazda mehmonlar bilan kirish suhbati va brifing boʻlib oʻtdi. 

Brifing davomida markaz xodimlari va kursantlariga NATO harbiy hamkorligi haqida maʼlumotlar berildi.

Shundan soʻng markazda tahsil olayotgan kursantlarga NATOga aʼzo davlatlarda serjantlarni tayyorlash va malakasini oshirishga oid qator mavzularda mashgʻulotlar oʻtkazildi va shu mavzuda fikr almashildi, deyiladi xabarda.

Qoʻshma oʻquv-uslubiy mashgʻulotlar 20 aprelga qadar davom etadi.

© 2023 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 97 022 01 10 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+