Oʻzbekistondan Isroilga aviareys bekor qilindi
Avvalroq Tel-Avivdagi elchixona fuqarolarni ogohlantirgandi.
![Oʻzbekistondan Isroilga aviareys bekor qilindi](https://cp.platina.uz/media/CACHE/images/uzbekistan-airlines.f89a47ecdc54.webp)
Oʻzbekistondan Isroilga reys bekor qilindi.
Yaqin Sharq mamlakatlarining bir qismi ustidan havo hududining yopilishi munosabati bilan, shuningdek, Oʻzbekiston Respublikasi aviatsiya hukumatining parvozlar xavfsizligini taʼminlash zarurati bilan bogʻliq qarorini hisobga olgan holda, Uzbekistan Airways faqat 2024 yil 15 aprel kuni HY 301/302 Toshkent - Tel-Aviv - Toshkent yoʻnalishidagi aviaqatnovlarini bekor qiladi.
"Faqat 2024 yil 15 aprel kuni amalga oshirilishi rejalashtirilgan HY 301/302 aviaqatnovi aviachiptalarini qayta bron qilish yoki pul mablagʻlarini jarima undirilmagan holda qaytarish uchun yoʻlovchilardan Uzbekistan airways sales filialiga yoki aviakompaniyaning xorijdagi vakolatxonalariga murojaat qilishlarini soʻraymiz" deyiladi xabarda.
Eslatib oʻtamiz, 2024 yil 14 aprel tunida Eron Isroil tomonga dron va raketalar bilan zarba berdi. Isroil ularning 99 foizi bartaraf etilganini bildirdi.
Avvalroq Tel-Avivdagi elchixona oʻzbekistonliklarni ogohlantirgandi.