Piskent tumaniga hokim vazifasini bajaruvchi tayinlandi
Avvalgi hokim Nodirbek Yakubov oʻz arizasiga koʻra ishdan ketgan.
Jamiyat
11-aprel 2024 yil
Aripov Muzaffar Akbarovich - Piskent tumani hokimi vazifasini bajaruvchi etib tayinlandi. Bu haqda Toshkent viloyati hokimligi xabar berdi.
Muzaffar Aripov 1985 yilda Toshkent viloyatida tugʻilgan. Maʼlumoti – oliy. 2010 yilda Toshkent davlat agrar universitetini, 2020 yil Oʻzbekiston Respublikasi Prezidenti huzuridagi Davlat boshqaruvi akademiyasini tamomlagan.
Lavozimga tayinlangunga qadar, Toshkent viloyati hokimligi Tashkiliy-kadrlar guruhi rahbari lavozimida ishlab kelayotgan edi.
Piskent tumani hokimi lavozimida ishlab kelayotgan Nodirbek Yakubov oʻz arizasiga binoan egallab turgan lavozimidan ozod qilingan.
