Andijon shahri sobiq hokimi qamoqxonada vafot etdi

Andijon shahrining sobiq hokimi Bahrom Haydarov vafot etdi. Bu haqda Platina.uz manbasi xabar bermoqda. 

Manbaga koʻra,  sobiq hokim bugun,  5 mart kuni jazoni ijro etish muassasasida vafot etgan.  U buyrak va yurak xastaligini boshdan kechirib, davolanayotgan boʻlgan.

Bahrom Haydarov 2022 yilda Jinoyat kodeksining 167-moddasi 3-qismining “a”, “v” bandlari, 209-moddasi 2-qismi “a”, “b” bandlari va 243-moddasida nazarda tutilgan jinoyatlarni sodir etganlikda aybli deb topilib, unga Jinoyat kodeksining 59-moddasi tartibida tayinlangan jazolarni qisman qoʻshish yoʻli bilan 3 yil mansabdorlik va moddiy javobgarlik yuklatilgan lavozimlarda ishlash huquqidan mahrum qilingan holda, 10 yil ozodlikdan mahrum qilish jazosi tayinlangandi.