Shavkat Mirziyoyev bugun Namanganga boradi
Prezident turli tarmoqlarida amalga oshirilayotgan loyihalarni koʻzdan kechiradi, shuningdek iftorlik dasturxoni ham rejalashtirilgan.
Bugun Prezident Shavkat Mirziyoyev Namangan viloyatiga tashrif buyuradi. Bu haqda prezident matbuot xizmati xabar berdi.
Davlat rahbari iqtisodiyotning turli tarmoqlarida amalga oshirilayotgan loyihalarni koʻzdan kechiradi va yirik energetika obʼektlari qurilishini boshlab beradi, mahallalar hayoti bilan tanishadi. Viloyatni ijtimoiy-iqtisodiy rivojlantirishning kelgusi vazifalari belgilab beriladi, deyiladi xabarda.
Shuningdek, iftorlik dasturxoni yozilishi rejalashtirilgan.
Avvalroq Shavkat Mirziyoyev Toshkent shahridagi sanoat va ijtimoiy soha obʼektlariga tashrif buyurib, mahalladagi obodonlashtirish va bunyodkorlik ishlari bilan tanishgan, darax ekish ishlarida qatnashgandi.
