Zayniddin Nizomxoʻjayev faxriy unvon bilan taqdirlandi

Prezident Shavkat Mirziyoyev unga unvon va koʻkrak nishonini topshirdi. 

Siyosat
20-mart, 9:30
Zayniddin Nizomxoʻjayev faxriy unvon bilan taqdirlandi

Prezident Shavkat Mirziyoyevning farmoniga muvofiq, Markaziy saylov komissiyasi raisi Zayniddin Nizomxoʻjayev “Oʻzbekiston Respublikasida xizmat koʻrsatgan yoshlar murabbiysi” faxriy unvoni bilan taqdirlandi.

Bunga sabab sifatida uning "davlat hokimiyati vakillik organlari hamda mamlakatimiz sogʻliqni saqlash tizimidagi koʻp yillik samarali mehnati, yurtimizda milliy saylov tizimini umumeʼtirof etilgan xalqaro standartlar asosida takomillashtirish, demokratik islohotlarni muvaffaqiyatli amalga oshirish, fuqarolarning konstitutsiyaviy huquqlarini roʻyobga chiqarish borasidagi katta xizmatlari, yuksak salohiyatli kadrlarni tayyorlash, yosh avlodni ona vatanga muhabbat va sadoqat ruhida tarbiyalashga qoʻshgan munosib hissasi, shuningdek, tavalludining 70 yilligi" sabab sifatida keltirilgan. 

Prezident Shavkat Mirziyoyev Zayniddin Nizomxoʻjayevga ushbu unvon va koʻkrak nishonini topshirdi.

Tibbiyot fanlari doktori, professor Zayniddin Nizomxoʻjayev uzoq yillar qator masʼul lavozimlarda mehnat qilgan. U 2014 yilda “Oʻzbekiston Qahramoni” unvoni bilan mukofotlangan.

Nizomxoʻjayev 2021 yil fevralida Mirzoulugʻbek Abdusalomov oʻrniga Markaziy saylov komissiyasi rahbarligiga saylangandi. U avval Oliy Majlis Senati raisining oʻrinbosari sifatida ishlagan. 

© 2023 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 97 022 01 10 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+