Buxorodagi gʻisht zavodida ishchi vafot etdi

Buxoro viloyati Gʻijduvon tumanidagi shlakablok gʻisht ishlab chiqaradigan zavodda ishchi baxtsiz hodisa qurboni boʻldi. Bu haqda Buxoro viloyati Kambagʻallikni qisqartirish va bandlik boshqarmasi buyrugʻida maʼlum qilingan.

Unda maʼlum qilinishicha, 1976 yilda tugʻilgan Gʻ.Q. "Howo" tirkamasidagi sementni tushirayotgan vaqtida tirkama borti tushib ketishi oqibatida ogʻir jarohat olgan va vafot etgan. 

Hodisa yuzasidan bandlik boshqarmasi tashabbusi bilan komissiya tuzilgan, u baxtsiz hodisani tekshirib, tegishli tartibda rasmiy idoralarga taqdim etishi belgilangan. 

Oldinroq Toshkent viloyatida ham ikki nafar ishchi baxtsiz hodisa oqibatida vafot etgandi.