Xorazmda 12 mingdan oshiq isteʼmolchi elektrsiz qoldi
Hududda kuchli yomgʻir yogʻishi va shamol kuzatilmoqda.
Xorazmda 12 mingdan oshiq isteʼmolchilar va sanoat korxonalari elektrdan uzilib qoldi. Energetika vazirligi holatni tasdiqladi.
Aytilishicha, soat 12:15 da Xorazm viloyatida yuz berayotgan kuchli yomgʻir oqibatida 6-10 kVli 41 ta elektr uzatish tarmogʻi 78 MVt quvvat bilan avariyaviy oʻchgan.
Buning natijasida Hazorasp, Bogʻot, Xonqa, Qoʻshkoʻpir va Yangiariq tumanlari isteʼmolchilari qisman (12 ming 500 ta) va kichik ishlab chiqarish sanoat korxonalari elektr taʼminotidan uzilgan.
Hozirgi vaqtda noqulay ob-havo (kuchli yomgʻir va shamol) sharoitiga qaramay, maxsus brigadalar tomonidan ushbu nosozlik bartaraf etilmoqda, deyiladi xabarda.
Avvalroq Energetika vazirligi havo harorati koʻtarilishi fonida metan zapravkalari ochilishini aytgandi.
