Bektemir tumaniga hokim tayinlandi
U avval Chilonzor tumanida tadbirkorlikni rivojlantirish, aholi bandligini taʼminlash va kambagʻallik boʻyicha hokim yordamchisi boʻlib ishlagan.
Nurilla Abduraxmanov Bektemir tuman hokimi etib tayinlandi. Bugun Toshkent shahar hokimligida Xalq deputatlari Bektemir tumani Kengashining navbatdan tashqari sessiyasi boʻlib oʻtdi.
Sessiyada Bektemir tumaniga hokim tayinlash masalasi koʻrib chiqildi.
Sessiyada hozirgacha Chilonzor tumani “Gavxar” mahallasida tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha hokim yordamchisi boʻlib ishlagan Nurilla Abduraxmanov Bektemir tumani hokimligiga tasdiqlandi.
Nurilla Abduraxmanov 1981 yilda Toshkent viloyatida tugʻilgan, maʼlumoti oliy. Shu kunga qadar Mirobod, Chilonzor va Yakkasaroy tuman hokimliklarida qator masʼul vazifalarda faoliyat yuritib kelgan.
Eslatib oʻtamiz, Bektemirga 2024 yil fevral oyigacha Tapil Mahamadziyayev rahbarlik qilgandi.