Ichki ishlar vaziriga yangi oʻrinbosar tayinlandi

Toshkent viloyati IIB boshligʻi oʻrinbosari - IIB huzuridagi Tergov boshqarmasi boshligʻi polkovnik Ashrapov Ramazon Ahmadhoʻjayevich Ichki ishlar vaziri oʻrinbosari -Tergov departamenti boshligʻi lavozimiga tayinlandi.

Bu haqda Ichki ishlar vazirligi xabar bermoqda.

Eslatib oʻtamiz, Ramazon Ashrapov avval Samarqand viloyati IIB boshligʻi oʻrinbosari lavozimida ishlagan va 2021 yilda Toshkent viloyatiga oʻtkazilgandi.

Taʼkidlash joizki, Tergov departamentining avvalgi rahbari Yahyoxon Abduxalkov boshqa ishga oʻtishi munosabati bilan lavozimdan ozod etilgandi.