Toshkent viloyatidagi sexda uch hindistonlik halok boʻldi
Shuningdek, 29 kishi shifoxonaga yotqizilgan.
![Toshkent viloyatidagi sexda uch hindistonlik halok boʻldi](https://cp.platina.uz/media/CACHE/images/IMG_20240220_142609_664_jTPmlbY.ca3a17d6dafe.webp)
Toshkent viloyatidagi sexda baxtsiz hodisa yuz berdi, oqibatda uch nafar hindistonlik halok boʻldi.
Bir necha kundan beri davom etayotgan sovuq ob-havo, togʻli hududlarda koʻp qor yogʻishi va qattiq shamol tufayli "Enter Engineering” kompaniyasining metall tayyorlash sexidagi (AZMK-3) vaqtinchalik qurilmaning tom qismi qulashi natijasida texnogen vaziyat vujudga kelgan, deyiladi FVV xabarida.
Buning natijasida uch nafar hindistonlik ishchilar voqea joyida vafot etgan, 29 nafari turli darajadagi tan jaroxatlari olganligi sababli shifoxonaga joylashtirilgan, ularga tibbiy yordam koʻrsatilmoqda. Jabrlangan fuqarolarning 4 nafariga shifoxonada zarur tibbiy yordam koʻrsatilib javob berilgan.
Ushbu holat yuzasidan dastlabki tergov surishtiruv ishlari olib borilmoqda.
Shuningdek, ob-havoning keskinlashuvi va qalin qor yogʻishi oqibatida bugun Olmaliq shahridagi “Qoʻqon bozorida” ham savdo navesi qulashi yuz berdi.
Jabrlanganlar yoʻq.