Gaz zapravkalariga qisqa muddatli cheklovlar kiritildi

Bunga ob-havo haroratining keskin sovishi sabab sifatida koʻrsatilgan.  

Jamiyat
18-fevral, 11:48
Gaz zapravkalariga qisqa muddatli cheklovlar kiritildi

Avtomobillarga gaz toʻldirish kompressor shoxobchalari faoliyatiga qisqa muddatli cheklovlar kiritilmoqda.  Bu haqda Energetika vazirligi maʼlumot berdi

Respublika hududlarida havo haroratining pasayishi natijasida magistral gaz quvurlarida bosimning kamayishi holatlari kuzatilyapti. 

Shuni inobatga olgan holda, birinchi navbatda, aholi xonadonlari va ijtimoiy soha obʼektlarini tabiiy gaz bilan taʼminlash maqsadida respublikadagi barcha avtomobillarga gaz toʻldirish kompressor shoxobchalari (AGTKSh) faoliyatiga qisqa muddatli cheklovlar kiritilmoqda.

AGTKShlar faoliyatiga kiritilgan cheklovlarni hisobga olgan holda respublikadagi barcha benzin “zapravka”larga avtobenzin mahsulotlarini qoʻshimcha miqdorlarda yetkazib berilishi taʼminlanadi. 

"Isteʼmolchilardan yetkazilgan noqulayliklar uchun uzr soʻragan holda, vaziyat barqarorlashgunga qadar imkon qadar tejamkorlikka rioya qilishlarini soʻraymiz" deyiladi xabarda.

Avvalroq,  18 fevral kuni soat 06.00 dan boshlab Buxoro viloyatidagi barcha avtomobillarga gaz toʻldirish kompressor shoxobchalari faoliyati vaqtincha toʻxtatilishi maʼlum qilingandi. 

© 2023 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 97 022 01 10 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+