Toshkent hokimi suv toshqinlariga qarshi mablagʻ ajratdi
Davlat moliyaviy nazorat boshqarmasi mablagʻ sarflanishini tekshiradi.
Toshkent shahar hokimi Shavkat Umrzoqovning qarori bilan byudjetning zaxira jamgʻarmasi hisobidan 846 million 500 ming soʻm pul ajratildi.
Taqdim etilayotgan pullar Toshkent shahrida yogʻingarchilik davrida suv toshqinlari bilan bogʻliq avariyaviy holatlarni zudlik bilan bartaraf etish uchun talab etiladigan maxsus mexanizm va materiallarni xarid qilish uchun beriladi.
Mablagʻlar Toshkent shahar Obodonlashtirish bosh boshqarmasi tizimidagi Drenaj va kollektorlarni taʼmirlash va saqlash ixtisoslashtirilgan boshqarmasiga beriladi.
Toshkent shahar Davlat moliyaviy nazorat boshqarmasi ajratilgan pullarning maqsadli sarflanishini nazorat qiladi.
Avvalroq Jizzax viloyati hokimi "Tasviriy oyina" uchun mablagʻ ajratgani maʼlum boʻlgandi.
