"Qamchiq" dovonida yuk mashinalari toʻqnashdi: besh kishi qurbon boʻlgan

Hodisa sabab jinoyat ishi qoʻzgʻatilib, dastlabki tergov harakatlari olib borilmoqda.

Jamiyat
13-fevral, 17:47
"Qamchiq" dovonida yuk mashinalari toʻqnashdi: besh kishi qurbon boʻlgan

"Qamchiq" dovonida ikki yuk avtomobili toʻqnashuvi oqibatida besh kishi vafot etdi. Bu haqda Yoʻl harakati xavfsizligi xizmati xabar berdi. 

Maʼlum boʻlishicha, 11 fevral  kuni soat 23:40larda Namangan viloyati, Pop tumani, "Qamchiq" dovoni hududidan oʻtgan yoʻlda 1983 yilda tugʻilgan haydovchi K.Y. "DAF" rusumli yuk avtomobilini (yengil avtomobillarni tashuvchi) boshqarayotib harakat xavfsizligini taʼminlamasdan, yoʻlning xavfli burilish qismida boshqaruvni yoʻqotgan va qarama-qarshi yoʻnalishni ajratib turuvchi toʻsiqqa urilib, qarshisidan kelayotgan haydovchi, 1992 yilda tugʻilgan J.A. boshqaruvida boʻlgan "Isuzu" rusumli yuk avtomobili bilan toʻqnashib, YTH sodir etgan.

Natijada, ikkala haydovchi hamda uch nafar yoʻlovchilar tan jarohati olib voqea joyida vafot etgan.

Mazkur YTH yuzasidan Namangan viloyati IIB huzuridagi TB tomonidan Jinoyat Kodeksining 266-moddasi 3-qismi "a" bandi bilan jinoyat ishi qoʻzgʻatilib, dastlabki tergov harakatlari olib borilmoqda.

Mazkur YTH vaqtida "DAF" rusumli yuk transport vositasiga ortilgan bir qancha yengil avtomobillar pastlikka tushib ketgan.

Avvalroq Toshkentda bir yil davomida qancha odam YTHlar oqibatida qurbon boʻlgani maʼlum qilingandi. 

© 2023 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 97 022 01 10 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+