Kechki ovqatni isteʼmol qilmaslikning zararlari maʼlum boʻldi
Diyetologlar yotishdan 3-4 soat oldin ovqatlanishni tavsiya qiladi.
Kechki ovqatdan voz kechish yoki oʻtkazib yuborish ortiqcha vazn ortishiga olib kelishi mumkin. Bu haqda diyetolog Oksana Panova maʼlumot berdi.
Panovaning soʻzlariga koʻra, kechki ovqat diyetaning muhim tarkibiy qismi boʻlib, normal metabolizmni taʼminlaydi.
"Kechki ovqatni toʻliq oʻtkazib yuborish vaqt oʻtishi bilan metabolizmni sekinlashtirishi mumkin, shuning uchun siz nafaqat vazn yoʻqotmaysiz, balki ortiqcha vazn toʻplash xavfini ham tugʻdirasiz", deb taʼkidladi diyetolog.
Biroq, siz yotishdan oldin ovqatlanmasligingiz kerak. Diyetolog yotishdan 3-4 soat oldin ovqatlanishni yoki uxlashdan bir yarim soat oldin kichik tamaddi qilib olishni tavsiya qildi.
Avvalroq mutaxassislar nonushta, tushlik va kechki ovqat oʻrtasidagi intervallarga toʻgʻri rioya qilish diabet rivojlanish xavfini kamaytirishi mumkinligini aytgandi. Unga koʻra, uyqudan turgach, bir soat ichida nonushta qilgan maʼqul. Shuningdek, nonushta, tushlik va kechki ovqat intervallari orasi juda uzayib ketmasligini lozim.
