Shavkat Mirziyoyev Janubiy Koreyadagi aviahalokat yuzasidan hamdardlik bildirdi
Muan shahrida roʻy bergan falokatda hozirgacha 176 kishi qurbon boʻlgani maʼlum.
Siyosat
29-dekabr 2024 yil
Shavkat Mirziyoyev Janubiy Koreya rahbariyatiga hamdardlik bildirdi.
Oʻzbekiston Respublikasi Prezidenti Shavkat Mirziyoyev Koreyaning Muan shahrida roʻy bergan aviahalokat oqibatida koʻplab insonlar halok boʻlgani munosabati bilan Koreya Respublikasi Prezidenti vazifasini bajaruvchi Choy Sang Mokga taʼziya maktubi yoʻlladi.
Davlat rahbari Koreya xalqiga, marhumlarning oila aʼzolari va yaqinlariga chuqur hamdardlik izhor etib, jarohat olganlar tez fursatda sogʻayib ketishini tiladi.
Eslatib oʻtamiz, aviahalokatda vafot etganlar soni 176 nafarga yetgan, faqat ikki kishi tirik qolgan.
