Qashqadaryoda nogironligi bor bolalar uchun bayram uyushtirildi
Ehtiyojmand, yolgʻiz yashovchi, nogironligi bor va boquvchisini yoʻqotgan oilalar esa koʻmir, isitish pechlari va oziq-ovqatlar bilan taʼminlandi.
Prezident Xalq qabulxonasi tashabbusi bilan joylarda ijtimoiy himoyaga muhtoj oilalarni qoʻshimcha qoʻllab-quvvatlash maqsadida xayrli ishlarga qoʻl urilmoqda.
Xususan, Yangi yil bayrami arafasida Qashqadaryo viloyatidagi Xalq qabulxonasi va viloyat hokimligi hamkorligida barcha tuman-shahardagi nogironligi bois uyida taʼlim olayotgan 200 nafarga yaqin bolalar Qarshi shahridagi Qoʻgʻirchoq teatriga olib kelinib, ularga teatr tomoshalari, bayram konsert dasturlari tashkil etib berildi.
Tadbirda bolajonlarga bayram sovgʻalari ham ulashildi.
Bundan tashqari, viloyatdagi ehtiyojmand, yakka yolgʻiz yashovchi, nogironligi bor va boquvchisini yoʻqotgan 100 ga yaqin murojaatchilar oilalariga 0,5 tonnadan koʻmir, isitish pechlari, oziq-ovqat mahsulotlari yetkazib berildi.
Bunday amallar barcha hududlarda davom etmoqda.