Oʻzbekiston va Qozogʻiston chegarasida yashirin tunnel aniqlandi
Uning uzunligi salkam yarim kilometrni tashkil etib, katta miqdorda neft mahsulotlari tashilgan.
Oʻzbekiston va Qozogʻiston chegarasida yashirin tunnel aniqlandi.
Unda Qozogʻistondan kontrabandachilar yoqilgʻi-moylash materiallarini noqonuniy eksport qilishgan.
Tunnel uzunligi 450 metrni tashkil etdi. Har kuni u orqali 5-7 tonna neft mahsulotlari tashilgan, deya xabar beradi Turkiston viloyati prokuraturasi.
Qozogʻiston prokuraturasi, iqtisodiy tergov boʻlimi va Milliy xavfsizlik qoʻmitasi xodimlari jinoiy guruhning barcha aʼzolarini aniqlashdi.
Oʻzbekiston huquq-tartibot idoralari tomonidan ham shunday tadbirlar oʻtkazildi. Barcha gumonlanuvchilar hibsga olingan. Eksport qilinadigan yoqilgʻi uchun mablagʻlarni oʻtkazish sxemasi ham fosh qilingan.