Toʻlov-kontraktlarni toʻlash muddati 31 dekabrgacha uzaytirildi
Bu 2024/2025-oʻquv yilida qabul qilingan abituriyentlar uchun amal qiladi.
OTMlarda toʻlov-kontrakt pulini toʻlash muddati 31 dekabrga qadar uzaytirildi.
Bunga Davlat qabul komissiyasining bayoni asos boʻlgan. Unga koʻra, 2024/2025-oʻquv yilida oliy taʼlim muassasalarining quyidagi bakalavriat hamda magistratura talabalari uchun bazaviy va tabaqalashtirilgan toʻlov-kontraktning bir yillik oʻqitish qiymatidan 50 foizi miqdoridagi toʻlovlarni amalga oshirish va talabalar safiga qabul qilishni rasmiylashtirishning soʻnggi muddati 2024 yil 31 dekabri (shu kuni ham) yetib belgilandi:
- toʻlov-kontrakt jumladan, tabaqalashtirilgan toʻlov-kontrakt asosida talabalikka tavsiya etilgan abituriyentlar (1-kurslar);
- oʻqishi koʻchirilgan (koʻchirib tiklangan) va qayta tiklagan talabalar;
- Qoraqalpogʻiston Respublikasida doimiy yashaydigan hamda umumiu oʻrta, oʻrta-maxsus va professional taʼlim muassasalarini tamomlagan yoshlar uchun ajratilgan qoʻshimcha qabul kvotalariga talabalikka tavsiya etilgan abituriyentlar.
Bu 2024/2025-oʻquv yilida qabul qilingan abituriyentlar uchungina amal qiladi.