Germaniyada BMW odamlar ustiga haydaldi: 11 kishi oʻlgani aytilmoqda
Hodisa Magdeburg shahridagi Rojdestvo bozorida sodir boʻlgan.
Germaniyada haydovchi mashinani odamlar ustiga haydadi: 11 kishi oʻlgani aytilmoqda.
Germaniyaning Magdeburg shahridagi Rojdestvo bozorida mashina olomon ustiga haydalishi oqibatida kamida 11 kishi halok boʻldi, 80 ga yaqin kishi jarohatlandi, deb xabar berdi Bild gazetasi.
Qora BMW ekanligi taxmin qilinayotgan mashina olomon orasidan 400 metr masofani bosib oʻtdi, deb yozadi AFP.
Xabar qilinishicha, gumondor qoʻlga olingan. Rasmiylar hozirgacha faqat ikkita oʻlimni tasdiqladi.
Odamlarni urib qochganlikda gumon qilingan shaxs ushlangan. U 50 yoshli Saudiya Arabistoni fuqarosidir. 2006 yilda Germaniyaga kelgan va shifokor boʻlib ishlagan.
Saksoniya yeri hokimi Rayner Xazeloffning aytishicha, olomon ustiga mashina haydash qasddan qilingan deb gumon qilinmoqda. Hozirda hujumchining sheriklari borligiga ishonish uchun asos yoʻq, deya qoʻshimcha qildi u.