Shavkat Mirziyoyev Putin bilan muloqot oʻtkazdi

Oʻzbekiston Prezidenti Shavkat Mirziyoyev 19 dekabr kuni Rossiya Federatsiyasi Prezidenti Vladimir Putin bilan telefon orqali muloqot qildi.

Ikki tomonlama kun tartibidagi hamda mintaqaviy tashkilotlar doirasidagi koʻp tomonlama hamkorlikning dolzarb masalalari koʻrib chiqildi.

Xavfsizlikka tahdid va xatarlarga qarshi kurashni kuchaytirish maqsadida ikki mamlakat maxsus xizmatlari oʻrtasidagi yaqin va samarali hamkorlikni davom ettirish muhimligi qayd etildi.

Kreml xabariga koʻra, Shavkat Mirziyoyev Rossiya Qurolli Kuchlari Kimyoviy, radiatsiyaviy va biologik mudofaa qoʻshinlari boshligʻi general-leytenant Igor Kirillov va uning yordamchisi Ilya Polikarpovning vafoti munosabati bilan hamdardlik bildirgan.