Adilbek Qosimaliyev Qirgʻiziston bosh vaziri etib tayinlandi
U sobiq bosh vazir Akilbek Japarovning birinchi oʻrinbosari lavozimida ishlagan.
Adilbek Qosimaliyev Qirgʻiziston Vazirlar Mahkamasi raisi etib tayinlandi.
Qirgʻiziston prezidenti farmoniga koʻra, Konstitutsiyaning 70-moddasi 1-qismi 2-bandiga muvofiq, Adilbek Aleshovich Qosimaliyev Vazirlar Mahkamasi rahbari — Prezident Administratsiyasi rahbari etib tayinlandi.
Eslatib oʻtamiz, u avval Akilbek Japarovning birinchi oʻrinbosari lavozimida ishlagan.
Adilbek Qosimaliyev 1960 yil 1 dekabrda Issiqkoʻl viloyati, Tup tumani Dolon qishlogʻida tugʻilgan. 1984 yilda Leningrad moliya-iqtisodiyot institutini iqtisodchi mutaxassisligi boʻyicha tamomlagan.
2015-2018 yillarda Qirgʻiziston moliya vaziri boʻlgan. 2021-2022 yillarda - Prezident Administratsiyasi rahbari oʻrinbosari.
2022 yil iyun oyida u Vazirlar Mahkamasi rahbarining birinchi oʻrinbosari vazifasini bajaruvchi boʻldi.
Eslatib oʻtamiz, bir necha kun avval Akilbek Japarov bosh vazir lavozimidan olingandi.
