Fargʻonadagi AYoQShda yongʻin: bir kishi halok boʻlgan
Hodisa suyultirilgan gaz toʻkish vaqtida texnologik jarayonlarning buzilishi hamda texnika xavfsizligi qoidalariga rioya qilinmasligi oqibatida sodir boʻlgan.
Fargʻonadagi AYoQShda portlash va yongʻin sabab bir kishi halok boʻldi.
17 dekabr kuni Fargʻona shahar, Yangi yoʻl MFYda joylashgan, koʻp yoqilgʻili AYoQSh va AGQSh shoxobchasida suyultirilgan gaz toʻkish vaqtida texnologik jarayonlarni buzilishi hamda texnika xavfsizligi qoidalariga rioya qilmasligi oqibatida chaqnash sodir boʻlgan undan soʻng yongʻin yuzaga kelgan.
Yongʻinga yongʻin-qutqaruvchilar 13:47 da yetib borib, yongʻin oʻchirilgan.
Yongʻin natijasida 1 nafar fuqaro vafot etgan, 4 nafar fuqaro tan jarohati olgan, 8 nafar fuqarolar tibbiyot xodimlari nazoratida.
Fargʻona viloyat Favqulodda vaziyatlar boshqarmasi xodimlar, hokimlik, mutasaddi vazirlik va idoralarning masʼul rahbarlari zudlik bilan voqea joyiga chiqqan holda yongʻin oqibatlarini bartaraf etish ishlari tashkil etildi, deyiladi FVB xabarida.
