Faol yoshlar yetakchilari taqdirlandi
“Toshkent yoshlarni sevadi” oyligi doirasida Toshkent shahrida faol yoshlar yetakchilarini taqdirlash marosimi boʻlib oʻtdi.
“Toshkent yoshlarni sevadi” oyligi doirasida Toshkent shahrining turli hududlarida yil mobaynida namunali faoliyat olib borgan bir guruh yoshlar yetakchilari poytaxt hokimligi tomonidan tantanali taqdirlandi.
Yoshlarning bandligini taʼminlash, ularning jamiyatda oʻz oʻrnini topishga koʻmaklashishda yoshlar yetakchilarining oʻrni ahamiyatli.
Bugungi kunda poytaxtda 500 dan ziyod yoshlar yetakchilari faoliyat olib boradi va ulardan 200 nafari poytaxt hokimligi tomonidan chet elga sayohat, kompyuter va “Yilning eng namunali mahalla yoshlari yetakchisi” koʻrik-tanlovining respublika bosqichiga yoʻllanma bilan taqdirlandi.