“Alpomish” sport saroyida yoshlar gala-konserti oʻtkazildi
Poytaxtda joylashgan “Alpomish” muz saroyida “Toshkent yoshlarni sevadi” oyligi sarhisobiga bagʻishlangan gala-konsert boʻlib oʻtdi.
Dastlab oylik doirasida oʻtkazilgan tadbirlar, koʻrik-tanlov va musobaqalar, ularning OAVda yoritilishi jarayonlari aks etgan video rolik namoyish etildi.
Shundan soʻng, “Orzu” bolalar ijodiyoti koʻrik-tanlovining adabiyot, vokal, klassika, raqs, cholgʻu, tasviriy va amaliy sanʼat yoʻnalishi gʻoliblariga Toshkent shahar hokimligi tomonidan diplom, statuyetka va esdalik sovgʻalari taqdim qilindi.
Shuningdek, Toshkent shahrining turli hududlarida faoliyat olib boruvchi yilning eng faol yoshlar yetakchilari tashakkurnoma, xorijga sayohat, dam olish maskanlariga yoʻllanma va boshqa xil qimmatbaho sovgʻalar bilan tantanali taqdirlandi.
Taqdirlash marosimidan soʻng tashkil qilingan estradamizning yorqin yulduzlari ishtirokidagi gala-konsert yoshlarga bayramona kayfiyat ulashdi.