Uzbekistan airways monopol mavqega ega deb topildi
Kompaniyaning mahalliy va xalqaro yoʻnalishlarda yoʻlovchi, yuk va pochta tashish xizmati boʻyicha ulushi 40 foizdan ortiqni tashkil etgan.
Uzbekistan airways va Uzbekistan helicopters (Silk avia) aviakompaniyalarining mahalliy qatnovlardagi ulushi 40 foizdan oshgan. Shu sabab ular ustun mavqega ega deb topildi.
Bu haqda Raqobat qoʻmitasi 13 dekabr kuni eʼlon qilgan buyruqda maʼlum qilingan.
Uzbekistan airways AJ shuningdek, havo transportida xalqaro yoʻnalishlarda yoʻlovchi, yuk va pochta tashish xizmati boʻyicha bozordagi ulushi 40 foizdan ortiqni tashkil etganligi munosabati bilan ustun mavqega ega deb eʼtirof etiladi, deyiladi hujjatda.
Ularga tegishli tartibda xabarnoma yuborilgan.
Avvalroq “YandexGo UB” MChJ,“Yandex Eats” MChJ XK hamda“Express24 APP” MChJlar ham monopol sifatida eʼtirof etilgandi.