Shavkat Ayupov Fanlar akademiyasi prezidenti etib saylandi
Ayupov 2021 yilda "Oʻzbekiston qahramoni" unvoni bilan taqdirlangan. Oliy Majlis Senati aʼzosi.
Matematik olim Shavkat Ayupov Fanlar akademiyasi prezidenti etib saylandi.
Shavkat Ayupov 1952 yilda tugʻilgan. 1974 yilda Toshkent davlat universitetini bitirgan, akademik T. A. Sarimsoqovning shogirdi.
1977 yilda fizika-matematika fanlari nomzodi, 1983 yilda fizika-matematika fanlari doktori unvonini olgan.
Asosiy ilmiy ishlari funksional analiz va uning zamonaviy tarmoqlaridan biri hisoblangan operatorlar algebralari nazariyasiga oiddir. Algebra sohasida yirik ilmiy tadqiqotlarni amalga oshirgan.
2021 yilda "Oʻzbekiston qahramoni" unvoni bilan taqdirlangan. Oliy Majlis Senati aʼzosi.
Fanlar akademiyasining avvalgi rahbari Behruz Yoʻldoshev avgust oyida vafot etgandi.
