Gulnora Normurodova Jizzax viloyati hokimi oʻrinbosari boʻldi
Avval bu lavozimda ishlagan Nazira Muxtorova Oliy Majlis Qonunchilik palatasi deputatligiga saylangan.
Jizzax viloyati hokimiga yangi oʻrinbosar tayinlandi.
Jizzax viloyati hokimi Ergash Saliyevning tegishli qarori bilan Normurodova Gulnora Ikromovna Jizzax viloyati hokimining oʻrinbosari - Oila va xotin-qizlar boshqarmasi boshligʻi lavozimiga tayinlandi.
Gulnora Normurodova 1985 yilda Jizzax tumanida tugʻilgan.
U mazkur tayinlovga qadar Savdo canoat palatasi Jizzax viloyati boshqarmasi boshligʻining oʻrinbosari lavozimida faoliyat olib borayotgan edi.
Eslatib oʻtamiz, 2018 yildan 2024 yilgacha viloyat hokimining oʻrinbosari-Oila va xotin qizlar boshqarmasi boshligʻi boʻlib ishlab kelgan Muxtorova Nazira Abdusattorovna Oliy Majlis Qonunchilik palatasi deputatligiga saylangan.