Janubiy Koreya prezidentiga impichment eʼlon qilindi
Endi 180 kun ichida parlament qarori mamlakat Konstitutsiyaviy sudi tomonidan koʻrib chiqilishi va tasdiqlanishi lozim boʻladi.
Janubiy Koreya parlamenti prezident Yun Sok Yolga qarshi impichment eʼlon qildi.
Yun Sok Yolning impichmenti uchun 204 nafar deputat ovoz berdi. Impichment uchun kamida 200 deputat qoʻllovi kerak edi.
Endi 180 kun ichida parlament qarori mamlakat Konstitutsiyaviy sudi tomonidan koʻrib chiqilishi va tasdiqlanishi kerak, deb yozadi Yonhap.
Shu bilan birga, prezident bu muddat uchun allaqachon oʻz vazifasidan chetlatiladi.
Eslatib oʻtamiz, avvalroq Janubiy Koreya prezidenti harbiy holat joriy etib, parlamentni tarqatishga uringan edi.
Bu mamlakatda siyosiy inqirozni keltirib chiqardi. Yun Sok Yol uushbu qarori uchun xalqdan uzr soʻradi. Mamlakat sobiq mudofaa vaziri esa qamoqda oʻzini oʻldirishga urindi.
