Oʻzbekiston xalq artisti Toʻlqin Tojiyev vafot etdi
U "Oʻzbekfilm" kinostudiyasida oʻzbekchaga oʻgirilgan mingdan ortiq xorij filmiga ovoz bergan.
Oʻzbek Milliy akademik drama teatri sanʼatkori, oʻzbek dublyaj sanʼati vakili, Oʻzbekiston xalq artisti Toʻlqin Tojiyev 88 yoshida vafot etdi.
Toʻlqin Tojiyev 1936 yil 13 aprelda Toshkentda tugʻilgan. 1959 yili A.Ostrovskiy nomidagi Toshkent teatr va rassomlik sanʼati institutining aktyorlik fakultetini tugatib, Hamza nomidagi Oʻzbek Davlat (hozirgi Oʻzbek Milliy) akademik drama teatriga ishga kiradi.
U "Oʻzbekfilm" kinostudiyasida oʻzbekchaga oʻgirilgan mingdan ortiq xorij filmiga ovoz bergan. "Qilich va qalqon", "Afonya", "Ivan Vasilevich kasbini oʻzgartiradi", "Sizdan ugina, bizdan bugina", "Nofelet qayerda?" "Kanonir Dollasning sarguzashtlari", "Sadoqat" kabi filmlarga ovoz bergan.
1988 yilda Toʻlqin Tojiyevga Oʻzbekiston xalq artisti unvoni berilgan.
