Talabalar uchun aviachiptalarga 50 foizlik chegirma eʼlon qilindi
Chegirma 2024 yil 23 dekabrdan 2025 yil 7 yanvariga qadar amal qiladi.
Talabalar uchun 50 foizgacha chegirma eʼlon qilindi.
Uzbekistan Airways aviakompaniyasi oʻrta maxsus, kasb-hunar va oliy taʼlim muassasalari talabalari uchun barcha mahalliy aviaqatnovlar ekonom-klass aviachiptalari tariflariga 50 foizgacha chegirma eʼlon qildi.
Chegirma 2024 yil 23 dekabrdan boshlab 2025 yil 7 yanvariga qadar amalga oshiriladigan aviaqatnovlar uchun amal qiladi.
Aviachiptalarni kompaniya saytidan, aviakompaniya agentlaridan hamda Uzbekistan Airways Sales filialidan xarid qilish mumkin. Buning uchun davlat muassasasida oʻqishni tasdiqlovchi hujjat talab qilinadi.
Eslatib oʻtamiz, talabalar uchun qishki taʼtil 25 dekabrdan 7 yanvargacha davom etadi.