Fargʻonada qariyb bir milliard soʻm qalbaki pullar aniqlandi
Uch fuqaro 200, 100 va 20 ming soʻmlik kupyuralar koʻrinishidagi qalbaki banknotlarni purkagichli printer yordamida chop etgan.
Qariyb 1 mlrd soʻmlik qalbaki pullarning muomalaga kiritilishining oldi olindi.
Huquqni muhofaza qiluvchi organlar tomonidan tezkor tadbir oʻtkazilgan.
Unda Fargʻona viloyatida yashovchi 3 nafar fuqaro oʻzaro til biriktirib, qalbaki 998 mln 740 ming soʻm pulni Jizzax viloyatida 27200 AQSh dollariga sotayotgan vaqtlarida ashyoviy dalillar bilan ushlandi.
Tergovga qadar tekshiruv davomida mazkur shaxslardan olingan 200, 100 va 20 ming soʻmlik kupyuralar koʻrinishidagi qalbaki banknotlar purkagichli printer yordamida chop etilganligi maʼlum boʻldi.
Tergov harakatlari olib borilmoqda.