Poytaxt hokimligi bolajonlar uchun ajoyib tuhfa taqdim etdi
Toshkent shahrida bolajonlar uchun bepul musiqali tomoshalar namoyish etilmoqda.
“Toshkent yoshlarni sevadi” oyligi doirasida poytaxtda joylashgan Oʻzbekiston Milliy kino sanʼat saroyida bolalar uchun bepul konsert-shoular boshlandi.
Xususan, 9 dekabr kuni “Mimi shou” va “Billur boshmoqli qiz” musiqali tomoshalari namoyish etildi.
Madaniy tadbirlarga Toshkent shahridagi umumtaʼlim maktablarining boshlangʻich sinflarida taʼlim olayotgan 36 ming nafar oʻquvchilarni qamrab olish koʻzda tutilgan.
Bu kabi tadbirlardan koʻzlangan maqsad bolalarning boʻsh vaqtlarini unumli oʻtkazish, ijodiy fikrlash qobiliyatlarini rivojlantirish va faol oʻquvchilarni ragʻbatlantirishdan iborat.
Maʼlumot uchun, konsert-shou har kuni 4 marta – 3 ta oʻzbek tilida va 1 ta rus tilida namoyish etiladi va 13-dekabrga qadar davom etadi.
