UZTELECOM Oʻzbekiston boʻylab tarmoqni takomillashtirishni davom ettirmoqda

UZTELECOM kundalik hayotimizning ajralmas qismiga aylanayotgan sifatli xizmatlar va texnologiyalardan foydalanish imkonini taʼminlab, Oʻzbekistonning barcha aholisi uchun raqamli imkoniyatlarni rivojlantirishda davom etmoqda.

Mobil tarmoq transformatsiyasi

Kompaniya rivojida oʻz mobil tarmogʻining transformatsiyasi muhim bosqich boʻldi. Modernizatsiya mobil aloqa sifatini yaxshilash va butun mamlakat boʻylab foydalanuvchilarga yanada ishonchli va tezkor xizmatlar taqdim etish imkonini beradi. Loyiha yirik shaharlar va chekka hududlarni qamrab oldi, bu tarmoq qamrovini sezilarli kengaytirish va hatto eng chekka hududlarda ham barqaror ulanishni taʼminlash imkoniyatini yaratdi. Infratuzilmaning yangilanishi chastota spektri refarmingi, beshinchi avlod (5G) tarmoqlarini joriy etish va abonentlar uchun keng imkoniyatlar koʻlamini ochuvchi eng yangi texnologiyalar joriy etishni oʻz ichiga oldi.

Bugungi kunga kelib mobil tarmoqni modernizatsiyalash boʻyicha keng koʻlamli ishlar yakunlandi. Natijada Oʻzbekistonning barcha viloyatlari markazida 5G joriy etildi. Endi yuqori tezlikdagi (10 Gbit/s) Internetdan butun respublika boʻylab foydalanish mumkin, bu Oʻzbekistonni MDHda 5G qamroviga ega birinchi davlatga aylantiradi.

Tarmoq modernizatsiyasi – butun respublika boʻylab yuqori texnologik va hamyonbop mobil aloqani yaratish boʻyicha uzoq muddatli strategiyaning bir qismidir. UZTELECOM bundan buyon ham abonentlarni ishonchli va zamonaviy aloqa bilan taʼminlash, ularga xizmat koʻrsatish sifatini yaxshilab borish maqsadida, eng yangi texnologiyalar tatbiqini davom ettirishni rejalashtirgan.

Internetga yuqori tezlikda ulanishni taʼminlash

Keng koʻlamli modernizatsiya doirasida UZTELECOM oʻz infratuzilmasini Internetga yuqori tezlikda ulanish uchun ilgʻor yechimi boʻlmish GPON texnologiyalariga asoslangan zamonaviy optik tolali tarmoqlarga oʻtkazmoqda. GPON 1 Gbit/s va undan yuqori ulanish tezligini taʼminlab, qulay ishlash, oʻqish va dam olish uchun barqaror va ishonchli bogʻlanish imkonini beradi. Kompaniya abonentlarining 92 foizi allaqachon bu texnologiyaning afzalliklarini munosib baholay oldilar.

Kompaniyaning texnik jamoasi har kuni yuzlab kilometr optik tolali aloqa liniyalarini quradilar. Kompaniya magistral transport tarmogʻining oʻtkazish qobiliyati 70 Tbit/s.ga yetdi, bu butun mamlakat boʻylab yuqori ulanish tezligi va aloqa sifatini taʼminlashga imkon bermoqda. Ushbu saʼy-harakatlar tufayli, Oʻzbekiston aholi yashash punktlarining 96 foizi, jumladan eng chekka hududlar ham yuqori tezlikdagi Internetdan foydalanish imkoniga ega boʻladilar.