"Tottenxem" va "Nyukasl" Abduqodir Husanovni sotib olmoqchi
Oʻzbekiston termasi himoyachisi ingliz klublari eʼtiboriga tushdi. "Lans" Husanov evaziga 30 mln yevro soʻramoqchi ekani aytilmoqda.
Oʻzbekistonlik futbolchi Angliyaning yetakchi jamoalarida oʻynashi mumkin.
Telegraph nashri xabariga koʻra, "Lans" va Oʻzbekiston milliy terma jamoasi markaziy himoyachisi Abduqodir Husanov "Tottenxem" va "Nyukasl" qiziqishlari doirasiga tushib qolgan.
Premer-liga klublari 20 yoshli futbolchini qishki transfer oynasidayoq qoʻlga kiritishga harakat qilishi mumkin.
"Lans" Xusanovni Belarusning "Energetik-BGU" klubidan 2023 yilning yozida 100 ming yevro evaziga sotib olgandi. Endi fransuz jamoasi futbolchini kamida 30 million yevroga sotishni moʻjallamoqda.
Himoyachiga avvalroq PSJ qiziqayotgani xabar qilingandi.
Joriy mavsumda Xusanov "Lans" safida 13 ta oʻyinda maydonga tushdi. U Oʻzbekiston terma jamoasi safida 18 ta oʻyin oʻtkazgan.