Kimlarga tvorog yeyish tavsiya qilinmaydi? Shifokor maslahati
Gastrit va buyrak kasalligidan aziyat chekadiganlarga ushbu mahsulotdan voz kechish maʼquldir.
Buyrak kasalligi, gastrit yoki sut oqsiliga allergiyasi boʻlganlar uchun tvorog tavsiya etilmaydi. Rossiyalik gastroenterolog Lyudmila Suxorukova buni RIA "Novosti" agentligiga bu haqda maʼlumot berdi.
Uning soʻzlariga koʻra, oqsil miqdori yuqori boʻlganligi sababli, tvorog inson siydik tizimining organlari yuklama bilan ishlashiga sabab boʻladi. Shuning uchun buyrak kasalligidan aziyat chekadiganlarga ushbu mahsulotdan voz kechish tavsiya etiladi.
"Agar siz semirib ketayotgan yoki ateroskleroz bilan ogʻrigan boʻlsangiz, tvorogdan ehtiyot boʻlishingiz kerak. Bundan tashqari, tvorog gastrit uchun nojoʻya mahsulotdir, - dedi Suxorukova.
Gastroenterologning fikriga koʻra, bolalar kuniga 100 g dan koʻp boʻlmagan tvorogni isteʼmol qilishlari mumkin, kattalar esa - 200 gramm tavsiya etiladi, sportchilar uchun kunlik norma yuqoriroq boʻlishi mumkin.
Shu bilan birga, gastroenterolog tvorog meʼyorida yeyilsa foydali ekanligini va qarshi taʼsirlar boʻlmasa, har kuni isteʼmol qilinishi mumkinligini taʼkidladi. Tvorog parhez mahsulot hisoblanadi, shuning uchun ozishni xohlaydiganlar uchun tavsiya etiladi.
Tvorog tarkibidagi kazein kabi oqsillarni muntazam isteʼmol qilish sizni tezroq toʻyishga yordam beradi. Tvorog tuxum bilan bir xil darajada ochlikni qondiradi, bu isteʼmol qilinadigan oziq-ovqat miqdorini kamaytirishga yordam beradi va shunga mos ravishda diyetaning umumiy kaloriya miqdorini kamaytiradi. Bundan tashqari, tvorog mushaklarning oʻsishi uchun foydalidir, suyaklar va tishlarni mustahkamlaydi.
