Jo Bayden oʻgʻlini afv etdi
Iyun oyida hakamlar hayʼati Xanter Baydenni noqonuniy tarzda qurol sotib olish va giyohvand moddalar isteʼmolini yashirganlikda aybdor deb topdi.
AQSh prezidenti Jo Bayden ikki jinoiy ish boʻyicha sudlangan va hukmni kutayotgan oʻgʻli Xanter Baydenni afv etdi.
"Bu lavozimda ishlagan birinchi kunimdanoq men Adliya vazirligi qaror qabul qilishiga aralashmasligimni aytdim va hatto oʻgʻlim adolatsiz taʼqib qilinayotganini kuzatganimda ham oʻz soʻzimda turdim", — dedi Bayden.
Sentabr oyida Baydenning oʻzi ham, uning matbuot kotibi ham oʻgʻlini afv etish toʻgʻrisida farmon chiqarmoqchi emasligiga ishontirdi.
Iyun oyida hakamlar hayʼati Xanter Baydenni qurol sotib olayotganda va giyohvand moddalar isteʼmolini yashirganlikda aybdor deb topdi.
Kichik Bayden AQSh tarixidagi amaldagi prezidentning jinoyatda aybdor deb topilgan birinchi oʻgʻliga aylandi.
Keyin, sentabr oyida Xanter Baydenning oʻzi yana bir ishda – soliq toʻlashdan boʻyin tovlaganlikda aybini tan oldi.
1 dekabr kuni kechqurun eʼlon qilingan bayonotda Jo Bayden oʻgʻlining sudlari" siyosat bilan bulgʻangan" va shuning uchun notoʻgʻri qarorlar bilan yakunlanganini daʼvo qilmoqda.
"Bu hafta oxirida men bu qarorni qabul qilganimda, uni boshqa kechiktirishning maʼnosi yoʻq edi. Umid qilamanki, amerikaliklar ota va prezident nima uchun bunday qarorga kelganini tushunishadi", — deyiladi bayonotda.
Xanter Bayden, shuningdek, u giyohvand sifatida qilgan xatolaridan butun Bayden oilasini omma oldida kamsitish va sharmanda qilish uchun siyosiy maqsadlarda foydalanilganini aytdi.
" Menga nisbatan bugungi rahm-shafqatni hech qanday tarzda oddiy deb bilmayman va qolgan hayotimni bemor va azob chekayotganlarga yordam berishga bagʻishlayman", dedi prezidentning oʻgʻli.